Беласқан

Тарихи роман XVIII ғасырдың соңы мен XIX ғасырдың басындағы еліміздің шығыс өңірінде өрбіген күрделі оқиғаларды суреттейді. Шығарманың арқауы — кісілігі мен ел билеудегі көрегендігі қатар өрілген Қамбар төренің, оның айналасындағы батырлар мен билердің және қарапайым халықтың тағдыр-талайы. Романда елді отырықшылық пен егіншілікке баулу үдерісі, сондай-ақ қазақ пен қалмақ жұрты арасындағы қарым-қатынасты достық арнаға бұру жолындағы ізденістер баяндалады. Жаугершілік заманда қалмақ жерінде қалып қойып, кейін Еділ бойынан Тарбағатай мен сайын даланың қиыр батысына дейінгі шым-шытырық соқпақтармен өз еліне оралған қазақ жігіттерінің тағдыры арқылы сол дәуірдің тынысы, салт-дәстүрі мен этнографиялық болмысы шебер бедерленген.