Аңыздың ақыры

«Аңыздың ақыры» – төрт бөлімнен тұратын роман. Шығарманың әуелгі атауы «Махаббат мұнарасы» болған. Аңыздың ізімен жазылғандықтан, кейін «Аңыздың ақыры» деп өзгерткен. Романдағы негізгі кейіпкер саны үшеу-ақ. Әмірші, Кіші ханым және шебер. Әдебиет зерттеушісі, жазушы-публицист Герольд Бельгер қазақ әдебиетінде концепциясы бар, не жазса да, сол тұғырға сүйенетін екі жазушы бар деп есептейтінін, оның бірі Мұхтар Мағауин де, екіншісі Әбіш Кекілбаев екенін жазған еді. Айтса айтқандай, Әбіш Кекілбаев – өлмейтін мұра мен өшпейтін құндылықтарды шығармашылығына арқау еткен, қай тақырыпты да тереңінен толғаған жазушы. «Аңыздың ақыры» да жазушының кесек шығармалары қатарында.