Ән естілді аққудың қанатынан

Деректі хикаят 1917 жылы Кетпен тауының етегінде дүниеге келіп, 1946 жылы Қытай жеріне ауа көшіп, сонда қалың індеттің құрбаны болған әйгілі әнші-ақын, бірегей сазгер Садықожа Мошанұлының қиын-қыстау заманға тап келген өмірі мен қасіретті тағдырына арналған. Кітапта ХХ ғасырдың бірінші жартысындағы қазақ халқының басынан өткен нәубет жылдар, қуғын-сүргін мен атамекеннен еріксіз ауа көшу кезеңдері тарихи шындықпен суреттеледі. Автор Садықожаның артына қалдырған өшпес өнер мұрасын зерделей отырып, оның сал-серілік болмысын заманауи оқырманға жаңа қырынан танытады. Бұл туынды жас ұрпақты ұлттық өнерді қадірлеуге, тарихты ұмытпауға және отаншылдық рухқа тәрбиелейді.