Невилл Сент-Клер мырза – табысты әрі ақшалы адам. Саудамен айналысады. Сән-салтанаты келіскен вилла жалдап тұрады. Әйелі, екі баласы бар. Хью Бун – аяғын сылтып басатын, адам қызығатын түрі жоқ, бетінде тыртығы бар қайыршы. Апиын тартатындардың жанында отырып, ертелі-кеш балауыз сатады. Невилл Сент Клер жұмбақ жағдайда жоғалып кетеді де, әйелі Шерлок Холмс мырзаға хабарласады. Ұлы із кесуші табысты саудагер мен сау-тамтығы жоқ қайыршы екеуі бір адам екенін табады. Адам сенгісіз оқиға туралы толығырақ Артур Конан Дойлдың «Жырық ерін» әңгімесінен оқыңыздар.