Салтанаттың өлеңдерін оқи отырып, оның өмір деп соққан мазасыз жүрегінің лүпілін естігендей боласың. Ол қойнауы үміт пен күдікке, сүю мен суынуға, мұңаю мен қуануға толы тылсым дүниенің болмысын өз болмысындай сезінеді.

Оны өз жүрегінен өткізерде шынайылықтың шырағын бағдар етіп, ойдың анық, сезімнің қанық болуына барынша ден қояды. «Өмір деген елестің, өлең болған нұсқасы ем»,­ - деп жырлайтын Салтанаттың бұдан былай да ізденіс жолында іркіліп қалмай, ілгері көштің ақыны бола беретінінен дәмелімін.

Абзал БӨКЕН,  ақын 

Халықаралық «Алаш» сыйлығының лауреаты.

Арқаның ақын қызы Салтанат Смағұлованың бұл жинағына оның сыршыл лирикалық жырлары топтастырылған. Адалдық пен адамдықты, сезім иірімдерін арқау еткен ақын өлеңдері шынайылық  пен шыншылдыққа толы. Сынақ пен сұраққа толы адам өміріндегі тылсым дүниелердің жауаптарын Салтанаттың «Жанарындағы жазуларынан...» іздеп көрелік.

Кітап көпшілік оқырман қауымға арналған.