Президент жолдауында көрсетілген бағыттарды қолдау ретінде Қазақстан мұсылмандары діни басқармасы 2014 жылды «Дін мен дәстүр жылы» деп жариялап отыр. Исламмен біте қайнасқан салтымызды насихаттау, жастардың бойына ұлттық құндылықтар мен дәстүрлі тәлім-тәрбиені қалыптастыру сынды шараларда айқындалған құндылықтар осы кітапта да көрініс тауып, салиқалы оқырманға исламның інжу-маржаны туралы мәлімет берілген. Отанды сүю – иманнан деген қасиетті ұғым осы кітаптың ғибраты. Иман – адам санасын тәубеге жүгіндіріп, пенделік ойлардан арылтар, жанын тазартар ұлы тәрбиеші деген алтын әріпті саралы сөздер Отанды сүю – иманнан екенін тағы да бір паш етіп тұр. Ислам өнегесінен тәлім алуға асыққан, имандылықты жаны қалайтын ұрпаққа өнеге.