Тарихшы Әлімғазы Дәулетхан назарларыңызға ұсынып отырған «Шығыс Түркістан халықтары  ұлт-азаттық дәуірі әдебиеті (1679-1949) атты көлемді ғылыми монографиясы автордың көп жылдарға созылған іздену-зерттеулері нәтижесінде жазылған құнды еңбек болып табылады. Бұл еңбектің басты ғылыми жаңалығы – Қазақ ғалымының бауырлас ұйғыр халқының қоғамдық тарихы мен әдебиеті тарихын ұштастыра жазылған тұңғыш іргелі жұмыс болғанында ғана емес, оның 1679-1949  жылдары аралығында жүз берген саяси, әскери, мәдени және ұлт-азаттық қозғалыстарын алғаш рет Қытай әлеуметтанушылары мен әдебиеттанушылары қалыптастырған  астам державалық догмағаларға тойтарыс бере отырып, жаңаша дәуірлеуінде, яғни соңғы үш ғасыр Шығыс Түркістан халықтары дүниеге әкелген әдебиеттің ұлт-азаттық дәуірі әдебиеті екенін нақтылап беруінде деуге болады.

Зерттеу жұмысы әлемдік тілдердегі алуан түрлі дерек көздеріне сүйенген, ойлау жүйесі жаңаша, ұлттық-түркілік көзқарасы айқын, тілі жатық әрі көркем болғандықтан көпшілік оқырмандар мен ізденушілер сүйіп оқитын кітап болар деп сенеміз.