Ұсынылып отырған бұл үйрету-әдістемелік көмекші құрал ұлттық зияткерлік ойындарды мектепке дейінгі мекемелер, орта және арнайы білім беру саласына енгізушілерге, қоғамдық орындар мен аулалық клубтарда ұйымдастырушы-тәлімгерлерге арналған. Көмекші құралда ойыншыларды әзірлеу, оларды жаттықтыру, ойын үдерісі, өспірім логикасын дамыту мен үдерісті үнемі тексеру әдістері, сайыстарды ұйымдастыру тәртіптері мен төрешілік қызметі қамтылды. Әдістемелік құралда бестем (бестемше) ойынының ережесі мен тақтасы, оны ойнату жайттары қарастырылды.

Ойынды үйрету, ұйымдастыру, насихаттау үдерісін қамтыған аталмыш көмекші құрал ұлттық зияткерлік ойын үдерісіне қатысушы тараптардың барлығына – ойыншыларға, бапкерлерге, төрешілерге, ұйымдастырушыларға арналған.