«Классикалық зерттеулер» сериясының кезекті томына көрнекті ғалымдар –С.Ордалиев, Н.Ғабдуллин, Р.Нұрғалидың қазақ драматургиясы туралы зерттеулері еніп отыр. Қазақ драматургиясының кешегісі мен бүгіні, оның даму барысы сабақтастырыла зерттелген еңбектерде қазақ драматургиясының тұтас тарихы жасалған. Драматургияның даму кезеңдері мен жанрлық ерекшеліктері туралы зерттеулер драма өнерінің көркемдік ерекшелігін ғылыми тұрғыда саралайды. Ғылыми ортаның сұранысы бойынша көп жылдардан бері қолданыста жүрген зерттеулер қайта жарияланып отыр.

Кітап әдебиеттанушы ғалымдар мен ізденушілер, аспиранттар мен жоғары оқу орындарының студенттеріне және ұлт әдебиеті мен тарихын білгісі келетін әдебиетсүйер қауымға арналған.