Қартқожа – елді екіұдай күйге түсіріп, тағдырын талайға салған тарихи, әлеуметтік арпалыстар кезеңіндегі қарапайым қазақ шаруасының күйін эпикалық үлгіде көркем бейнелеген алғашқы шығарма. Туындыда төңкеріс алдындағы және әлеуметтік қақтығыстар кезіндегі қазақ шаруасының тіршілігі, кейінгі талпыныстары мен тартыстары, сондай-ақ қоғамдық теңсіздікті ұғынып, әділетсіздіктің себептеріне ой жіберуі нанымды бейнеленеді. Шығарма тарихтың осы бір тауқыметті кезеңінің шындығын жасырмай, шынайы суреттей алуымен де бағалы.