Өрімтал Кітап
Өрімтал

Өрімтал

Өрімтал

«Өрімтал» – ақын, ҚР еңбек сіңірген қайраткері Ақұштап Бақтыгерееваның тұңғыш өлеңдер жинағы. 

 

1967 жылы «Жазушы» баспасында жарыққа шыққан. Редакторы – Әмина Шалабаева. Таралымы – 10 000 дана. Бағасы 22 тиын болған. 

 

Автор естелігі
 

«Өрімталым» жастар поэзиясының алдыңғы қатарынан көрінді

Студенттік жылдарымда қазіргі «Жас Алашқа» тұрақты түрде өлеңдерім шығып тұрды. Екінші курста жүргенде «Жиі хат жазыңдар солдатқа» деген өлеңім газеттің бірінші бетіне жарияланды. Содан кейін маған солдаттар жиі хат жазып, қуаныш-қасіреттерін айтатын болды. Жалпы бұл өлең жастарға қатты ұнады десем артық айтқаным емес. Осылайша халық мені тани бастады. Ол кезде кітап, газет оқитын оқырман өте көп болатын. Алматыда мықты әдеби орта бар еді. Жазушы-ақындармен кездесу өте жиі болып тұратын. Талантты жастарға көңіл бөлінетін. Сәбит Мұқанов, Ғабит Мүсірепов бастаған әдебиеттің ақсақалдары жастармен жиі кездесу өткізетін.

 

Әр жұма сайын жиналып, өлең оқитынбыз. Жастар арасында бәсеке бар еді. Маған осы ортаның ерекше ықпалы болды. Өлең оқып, экспромт айтатын, жастық жырларын жатқа оқитын, «қыздар университетіндегі шашы ұзын, ақын қыз» атандым. Әбу Сәрсенбаев, Қадыр Мырзалиевтер менің бір өлеңім шықса, соған қатты қуанатын.

 

«Жазушы» баспасы қыздар поэзиясына жаңалық енгізген, жаңа лирика әкелген ақын ретінде кітабымды жоспарға кіргізіп, артынша басып шығарды. Ғафу Қайырбеков алғысөзін жазды. Кітабым оқырманға ұнар ма екен деп толқып жүрдім. Ол уақытта цензура бар, өлеңдеріміз бірнеше сүзгіден өтетін. Кіп-кішкентай ғана жинақ 10 мың данамен басылып шықты. Қаламақысы да қомақты болды. Ата-анам қатты қуанды. «Өрімталым» жастар поэзиясының алдыңғы қатарынан көрінді. Осылайша поэзиядағы ғұмыр жолым сәтті басталды. 
 

  • Сипаттамасы
  • Пікірлер

«Өрімтал» – ақын, ҚР еңбек сіңірген қайраткері Ақұштап Бақтыгерееваның тұңғыш өлеңдер жинағы. 

 

1967 жылы «Жазушы» баспасында жарыққа шыққан. Редакторы – Әмина Шалабаева. Таралымы – 10 000 дана. Бағасы 22 тиын болған. 

 

Автор естелігі
 

«Өрімталым» жастар поэзиясының алдыңғы қатарынан көрінді

Студенттік жылдарымда қазіргі «Жас Алашқа» тұрақты түрде өлеңдерім шығып тұрды. Екінші курста жүргенде «Жиі хат жазыңдар солдатқа» деген өлеңім газеттің бірінші бетіне жарияланды. Содан кейін маған солдаттар жиі хат жазып, қуаныш-қасіреттерін айтатын болды. Жалпы бұл өлең жастарға қатты ұнады десем артық айтқаным емес. Осылайша халық мені тани бастады. Ол кезде кітап, газет оқитын оқырман өте көп болатын. Алматыда мықты әдеби орта бар еді. Жазушы-ақындармен кездесу өте жиі болып тұратын. Талантты жастарға көңіл бөлінетін. Сәбит Мұқанов, Ғабит Мүсірепов бастаған әдебиеттің ақсақалдары жастармен жиі кездесу өткізетін.

 

Әр жұма сайын жиналып, өлең оқитынбыз. Жастар арасында бәсеке бар еді. Маған осы ортаның ерекше ықпалы болды. Өлең оқып, экспромт айтатын, жастық жырларын жатқа оқитын, «қыздар университетіндегі шашы ұзын, ақын қыз» атандым. Әбу Сәрсенбаев, Қадыр Мырзалиевтер менің бір өлеңім шықса, соған қатты қуанатын.

 

«Жазушы» баспасы қыздар поэзиясына жаңалық енгізген, жаңа лирика әкелген ақын ретінде кітабымды жоспарға кіргізіп, артынша басып шығарды. Ғафу Қайырбеков алғысөзін жазды. Кітабым оқырманға ұнар ма екен деп толқып жүрдім. Ол уақытта цензура бар, өлеңдеріміз бірнеше сүзгіден өтетін. Кіп-кішкентай ғана жинақ 10 мың данамен басылып шықты. Қаламақысы да қомақты болды. Ата-анам қатты қуанды. «Өрімталым» жастар поэзиясының алдыңғы қатарынан көрінді. Осылайша поэзиядағы ғұмыр жолым сәтті басталды.