Ойсыл қара Кітап
Ойсыл қара

Ойсыл қара

Ойсыл қара

«Ойсыл қара» – жазушы, Қазақстанның еңбек сіңірген қайраткері Смағұл Елубаевтың тұңғыш кітабы. Жинақ жан-жануарлар туралы әңгімеден құралған. 
«Тарзан» атты әңгімесінде бір жоғалған иттің тағыға айналу тарихы баяндалады. Ал жартылай қиялға құрылған «Ұлу» деген хикаясында қасқыр асыраған жас баланың қайғылы халі суреттеледі. Автор қай шығармасында болса да өмір туралы символикалық ой түюге ұмтылады. 

 

 

 

 

«Жазушы» баспасы. Балалар мен жастар әдебиетінің бас редакциясынан 1972 жылы шыққан. 
Таралымы – 12 000 дана. Бағасы – 12 тиын.

 

 

 

 

Автор естелігі

 

«Өзіңді заңдастырылған жазушы сезінесің»

 

Жазушы болам деп талпынған кез келген жас, ең алдымен, өлең шығарады. Мен де сол жолмен бастадым. Алғашқы өлеңім «Қазақстан пионерлеріне» шықты. Газетке шыққан кездегі қуанышым бүгінгідей есімде. Кейіннен қысқа-қысқа әңгіме жаза бастадым. Олар да шыға бастады. Университеттің журналистика факультетіне түскен соң «Тарзан» деген әңгімемді жаздым. Алғашқы көлемді прозалық еңбегім. М.Әуезовтің «Көксерегіне» еліктеу болды.  
Осы әңгімемді алғаш оқығандардың бірі академик Зейнолла Қабдолов еді. «Айналайын, сен болашақта қазақ әдебиетінің жұлдызы боласың» деп мені қанаттандырды. Сол кезде жазуға қабілетім бар деген сенім пайда болды. Ары қарай «Ойсыл қара» дейтін әңгімеге отырдым. 

 

 

 

 

Ауылда өскен шопанның баласымын. Өзім жақсы білетін дала заңы, табиғат, түйе, қасқыр туралы жазып, «Жазушы» баспасына бердім. Ол кезде проза бөлімінде Мағзом Сүндетов ағамыз отыратын. Ол кісі «кітабың шығады» деді. Сосын күтпеген жерден «Жұлдыз» журналы «Ойсыл қара» деген әңгімемді жариялады. «Лениншіл жас» оны қайталап басты. Осылайша кітап шықпай жатып, ішіндегі әңгіме бүкіл республикаға таралып кетті. 
Сын айтылмады десе де болады. 2 белгілі жазушы: Рахметтолла Райымқұлов пен Бексұлтан Нұржекеев кітабыма талдау жасап, жақсы пікірін білдірген мақала жариялады. 
Бұл өзі кішкентай ғана кітап. 4-5 әңгімеден тұрады. Бірақ мен үшін бұл кішкентай ғана кітаптың шығуы үлкен оқиға болды. Өйткені, өзіңді заңдастырылған жазушы сезінесің. Бала кезден «жазушы болсам» деп қиялдап өстік қой. Ал сол бірінші кітабың шықпайынша, өзіңе-өзің сенбей жүресің. 

 

 

 

 

Кітабың қолға тиген кезде ерекше сезімде боласың. Өзіңе деген сенім пайда болады. Ары қарай жазуға, шығармашылыққа жол ашады. Тұңғыш кітабымның қаламақысына Алматыдағы банктердің бірінде депозит ашқанмын. 

  • Сипаттамасы
  • Пікірлер

«Ойсыл қара» – жазушы, Қазақстанның еңбек сіңірген қайраткері Смағұл Елубаевтың тұңғыш кітабы. Жинақ жан-жануарлар туралы әңгімеден құралған. 
«Тарзан» атты әңгімесінде бір жоғалған иттің тағыға айналу тарихы баяндалады. Ал жартылай қиялға құрылған «Ұлу» деген хикаясында қасқыр асыраған жас баланың қайғылы халі суреттеледі. Автор қай шығармасында болса да өмір туралы символикалық ой түюге ұмтылады. 

 

 

 

 

«Жазушы» баспасы. Балалар мен жастар әдебиетінің бас редакциясынан 1972 жылы шыққан. 
Таралымы – 12 000 дана. Бағасы – 12 тиын.

 

 

 

 

Автор естелігі

 

«Өзіңді заңдастырылған жазушы сезінесің»

 

Жазушы болам деп талпынған кез келген жас, ең алдымен, өлең шығарады. Мен де сол жолмен бастадым. Алғашқы өлеңім «Қазақстан пионерлеріне» шықты. Газетке шыққан кездегі қуанышым бүгінгідей есімде. Кейіннен қысқа-қысқа әңгіме жаза бастадым. Олар да шыға бастады. Университеттің журналистика факультетіне түскен соң «Тарзан» деген әңгімемді жаздым. Алғашқы көлемді прозалық еңбегім. М.Әуезовтің «Көксерегіне» еліктеу болды.  
Осы әңгімемді алғаш оқығандардың бірі академик Зейнолла Қабдолов еді. «Айналайын, сен болашақта қазақ әдебиетінің жұлдызы боласың» деп мені қанаттандырды. Сол кезде жазуға қабілетім бар деген сенім пайда болды. Ары қарай «Ойсыл қара» дейтін әңгімеге отырдым. 

 

 

 

 

Ауылда өскен шопанның баласымын. Өзім жақсы білетін дала заңы, табиғат, түйе, қасқыр туралы жазып, «Жазушы» баспасына бердім. Ол кезде проза бөлімінде Мағзом Сүндетов ағамыз отыратын. Ол кісі «кітабың шығады» деді. Сосын күтпеген жерден «Жұлдыз» журналы «Ойсыл қара» деген әңгімемді жариялады. «Лениншіл жас» оны қайталап басты. Осылайша кітап шықпай жатып, ішіндегі әңгіме бүкіл республикаға таралып кетті. 
Сын айтылмады десе де болады. 2 белгілі жазушы: Рахметтолла Райымқұлов пен Бексұлтан Нұржекеев кітабыма талдау жасап, жақсы пікірін білдірген мақала жариялады. 
Бұл өзі кішкентай ғана кітап. 4-5 әңгімеден тұрады. Бірақ мен үшін бұл кішкентай ғана кітаптың шығуы үлкен оқиға болды. Өйткені, өзіңді заңдастырылған жазушы сезінесің. Бала кезден «жазушы болсам» деп қиялдап өстік қой. Ал сол бірінші кітабың шықпайынша, өзіңе-өзің сенбей жүресің. 

 

 

 

 

Кітабың қолға тиген кезде ерекше сезімде боласың. Өзіңе деген сенім пайда болады. Ары қарай жазуға, шығармашылыққа жол ашады. Тұңғыш кітабымның қаламақысына Алматыдағы банктердің бірінде депозит ашқанмын.