Жазушы әйел тақырыбында көп шығарма жазды. Соның бірі – «Сөніп-жану». Бұл әңгіме ең алғаш «Заман еркесі» деген атпен 1922 жылы «Шолпан» журналында жарияланады. Мұнда жазушы ата-анасының еркімен күйеуге шығып, тағдырына мойсұнған әйел тарихын бейнелейді. Құда түскенше асыққан Сыздық үйленгеннен кейін әйелін сүймейтінін, қате басқанын түсінеді. Әңгіме желісі тікелей автордың өзі араласып, қатысқан оқиғалар негізінде құрылған.