М.Әуезов жиырмасыншы жылдардың бас кезі мен орта шенінде көптеген әңгімелер жазып, ескі қазақ ауылының алуан түрлі әлеуметтік шындығын реалистік дәстүрде бейнеледі, қоғам өмірінің, халық тіршілігінің терең қатпарларын, ішкі қайшылықтарын білгірлікпен суреттеді. Сондай шығармалардың бірі – «Кім кінәлі?» Өмірдің ақиқат ағысын, типтік құбылыстарын зерттеу жазушыға қазақ коғамының көкейкесті мәселелерін көтеруге мүмкіндік берді. М.Әуезов қазақ әйелінің аянышты тағдыры жайында көп жазды. «Кім кінәлі?» шығармасында әйел жайын толғады, жазушының анаға деген құрметін білдіруі алғашқы қаламгерлік қадамынан-ақ байқалды.