Мұхтар Омарханұлы Әуезов шығармаларының елу томдық академиялық толық басылымының 37-томына 1958-1959 жылдарда жазылған «мақалалары, «Дос – Бедел дос» пьесасының қазақша, орысша нұсқалары мен осы пьесаның жоспары, қырғыздың батырлық эпосы «Манас» жырына қатысты жинаған деректері кірді. Томға кірген «В цветущем саду», «Новые горизонты», «Партия туралы ойлар», «Зоны ужаса», «О родном Казахстане» т.б. мақалаларында «социализм толық, түбегейлі жеңді» деп жариялаған СОКП-ның XXI сьезі өткен кезеңнің атмосферасын берсе, «Өнерге өнеге», «Радость творчества», «Размышление об эпосе семилетки», «Сын болашаққа мегзесін» мақалаларында сол кезеңдегі әдебиет, өнер мәселелері жайындағы ойларын айтқан. Кітап ғылыми жұртшылыққа, қалың оқырман қауымға арналған.