Мұхтар Омарханұлы Әуезовтің елу томдық академиялық толық басылымының 1-томына жазушының 1917-1920 жылдары жазылған мақалалары мен «Еңлік-Кебек» пьесасының 1922 және 1943 жылдардағы нұсқалары еңгізілді. Бұлардың көпшілігі осыған дейінгі басылымдарға енбеген және ертедегі газет-журналдарда жарық көргеннен кейін қайтып ешқайда басылмаған. Жазушының алғашқы кезең туындыларының қатарына жататын бұл еңбектерінен қаламгердің ойшылдық қарымы, шығармашылық бет алысы, қоғамдық, ұлттық, рухани-әлеуметтік мәселелерге деген көзқарасы анық танылады. Бұл басылым Әуезовтің көркемдік әлемі туралы түсінігімізді бұрынғыдан да кеңейтіп, тереңдете түседі. Кітап қалың оқырманға, сондай-ақ ғылыми жұртшылыққа арналған.