Кітапта қазақтың тілі, ділі, рухы табиғи ерекшелігі, әдебиеті сөз болады. Тіл қасиетін, діл ерекшелігін танып-білуге жетелейді. Адами мінез-құлықты көркем тілмен суреттей отырып, өмірдің шынайы жағдайларын, түрлі оқиғаларды баяндай отырып, айқын ашып көрсетеді. Автор сөзімен айтқанда: «...жүректі, сананы селт еткізер өлең шұмақтары, я жолдары, қазақ менталитетіне қатысты мағлұмат деректер, лебіздер, ащы, құйтұрқы, бейнелі ой-өрнектері, есте сақтауға лайық һәм оңтайлы дәйектемелер, астарлы, ойнақы сөз оралымдары, даналық пікірлер, қазақ тіліне, діліне тән, басқа тілдерге тәржімалауға көнбейтін ғажайып тіркестер, нақыл, мақал, афоризмдер, қалжыңдар, тың ойлар» – міне, «Қазақ дәптерінің» мазмұны осы болмақ.