Бұл әңгіме сюжеті ойымды көптен тербеген жоқ. Әдетте бір нәрсе жазғың келсе мың ойланып, жүз толғанып, деталь қарастырып, әлем, қазақ әдебиетіндегі соған ұқсас шығармаларды/детальдарды білгеніңше ойша салыстырып, бір жері артық, бір жері кем көрініп қиналасың ғой. Бұл әңгіменің сюжетін қазір әлеуметтік желілерді аралап жүрген атышулы бір бейнеүзіктен көрдім. Кіп-кішкентай қызды шын мәнінде союға апара жатқан көрініс... Жаным ауырды. Бір-екі күн әрі-сәрі болып жүрдім. Бастап жаза бастағанымда "Ақ желкен" журналынан Балжан қарындасым жаңа әңгіме сұрады. Тезірек жазуыма осы ұсыныс та түрткі болды. Басқаша, формасын өзгеше құруға тырыстым. Жалпы, бұл тақырып - өмір мен өлім күресі ежелден бар, бірақ заманның формасында басқаша, өте қатал көрініс алып тұр. Бұл соның бір үзігі ғана.

Есей Жеңісұлы