Кітапқа белгілі әдебиеттанушы ғалымдар Айқын Нұрқатов пен Рымғали Нұрғалидың ұлы суреткер Мұхтар Омарханұлы Әуезов шығармашылығына арналған жұмыстары кіріп отыр. Айқын Нұрқатовтың «Мұхтар Әуезов» атты монографиялық очеркі 1957 жылы Қазақ мемлекеттік көркем әдебиет баспасынан шыққан. М.Әуезов шығармашылығын алғаш  кешенді түрде зерттеген еңбектердің бірі. Р.Нұрғалидың  «Әуезов және алаш»  кітабы 1997 ж. М.Әуезовтің әлемдік деңгейде тойланған 100 жылдық мерейтойы қарсаңында «Санат» баспасынан шыққан. Кітап «Алаш ұранды  әдебиет» және «Әуезов әлемі» атты екі бөлімнен тұрады. «Ғылыми қазына» бағдарламасының «Классикалық зерттеулер» сериясының бұл томына А.Нұрқатов еңбегі толығымен, Р.Нұрғалидың «Әуезов және алаш» кітабының «Әуезов әлемі» бөлімі беріліп отыр. Екі жұмыс та өз уақыты үшін әуезовтану саласындағы алдыңғы қатарлы зерттеулер деп бағаланады. Кітап ғылыми жұртшылыққа, жалпы оқырман қауымға арналған.