Бұл кітапқа XX ғасыр басындағы Алаш әдебиеттануының келесі негізгі зерттеулері енгізілді: А.Байтұрсынұлы «Әдебиет танытқыш», ғалымның Баку қаласында жасаған баяндамасы «Научный доклад на Первом Всесоюзном Тюркологическом съезде»; Ә.Бөкейхан «Батыр Бекет», «Мырза Едіге», «Роман бәйгесі», «Роман деген не?», «Ән, өлең һәм оның құралы», «Кітап сыны», «Всеволод Иванов»; Халел Досмұхамедұлы  «Аламан», «Диуани Лұғат ат-Түрк», «Қазақ халық әдебиеті», «Шернияз шешен», «Мұрат ақынның сөздері». Аталған зерттеулердің Тәуелсіз кездегі қазақ ғылымына қажет екені айқын. Кітаптың мазмұны қазақ әдебиетінің тарихы, сыны, теориясынан мол мағлұмат береді.  Классикалық іргелі зерттеулер қазіргі әдебиет туралы ғылымның құндылығы болып табылады. Сондықтан бұл кітап әдебиеттанушы ғалымдарға және жалпы оқырманға арналады.