Үрила Кеңесбаева – аудармашы, лексикограф, ағылшын тілі пәнінің оқытушысы. Мәскеу мәдениет институтын және Мәскеу педагогика институтын бітірген. «Ағылшынша-қазақша фразеологиялық сөздік», «Ағылшын тілінің грамматикасы» атты кітаптардың авторы. Бернард Шоудың, Уильям Шекспирдің, Руал Далдың, Беатрикс Поттердің шығармаларын аударған. «Қазақстан» Ұлттық телеарнасының дубляж бөлімінде қызмет еткен жылдары жүздеген фильмдер мен мульфильмдерді қазақша сөйлетті. National Geographic Қазақстан журналы алғаш шыға бастағаннан аударма редакторы болып, журналдың «Жылдың үздік басылымы» аталуына өз үлесін қосты. Аударма еңбектері «Аруна» баспасы, Ұлттық аударма бюросы баспаларынан кітап болып шықты. Қазақстан Табиғат қорғау қоғамы ұйымдастырған республикалық әдеби байқаудың екі дүркін жеңімпазы, 1984, 1985 жж. Қазақстан Мәдениет министрлігінің мемлекеттік грант иегері, 2007 ж. National Geographic Қазақстан журналының Алғыс хатымен марапатталған, 2017 ж.