...Құл-Керім Елеместің өлеңіндегі сыр-сипаттар бір ақынның ғана емес, жалпы қазіргі қазақ поэзиясындағы қайратты қалам ізденістерін, өзгеше өлең өлкелерін танытады. Бүгін ақындарымыздың өзі түгелдей мойындай бермейтін мұндай ізденістерден туған жырлар мінберден оқуға арналмаған. Азды-көпті интеллектуалды дайындық пен тәжірибені қажет етеді.

...Ешкімге ұқсамайтың Құл-Керімнің рухани әлеміндегі құбылыстарды көкірегіңізге қондыру үшін ілтипатпен қарап, арнайы уақыт бөлу керек.

...Хақ жолында мойынұсынған, көзге түскісі келіп дүрсінбейтін, кербезденіп, кемеңгерсінбейтін Құл-Керім Елемес ақын өз жаны – өз ғарышының сәулелерін моншақтап, әдепті де нәзік сезімталдығымен, сыршылдығымен, бейнелік әлеміндегі өз кестесімен тазалыққа іңкәр көңілді ризалайды.

Бекен ЫБЫРАЙЫМ,

профессор, сыншы,

Халықаралық «Алаш» сыйлығының иесі.