Поэзия деп аталатын тылсым тірліктің тынысын тыңдап, тамырын басып отыру ежелгі дағдымыз болса керек. Сондықтан кейінгі толқын ақындардың аяқ алысын, сөз саптасын назардан тыс қалдырмай келеміз. Екпіндері тау қопарардай таңдаулы ақындардың арасынан Мақпал Мысаның  лиризмге толы нәзік үні ерекше естілетіндей. Ол, аға буын әпкелері салып кеткен сүрлеуге өзіндік өрнегін қосып, жүрек шымырлатар жырларымен жұртшылық көңілін баурап алған. Сондықтан Мақпал сіңілімді жақында Қазақстан Жазушылар Одағының мүшесі болып қабылданған қуанышымен құттықтап, өлең өлкесінде өзіндік үнімен айтулы ақындардың қатарына қосылуына тілектестігімді білдіргім келеді.                                                                         

Марфуға АЙТҚОЖА

 Мемлекеттік сыйлықтың иегері, ақын