Дәстүрден тыс жаңашылдықпен танылып жүрген ақындар тобынан Ақберен Елгезектің есімі жиі аталады. Ақберен өлеңіндегі кеңістік те басқаша. Не жерде, не көкте тұрағы жоқ, беймекенді кезіп жүреді. Өзін-өзі жатсынған, өз ішінен өзі екіге жарылған. Ақын мүлде басқа әлем іздейді. Түбі бір мәңгілікке баратынына сенеді. Мүмкін көңілге медеу жалғыз үміт осы ғана шығар.

Сәруар ҚАСЫМ,

Әдебиет есігін жаңа ғасырмен жарыса ашқан Ақберен қазақ поэзиясына өзінің үр жаңа үнімен, өзгеше қалпымен, бөлек болмысымен келді. Ақын «еліктеу мен солықтаудың» ауылына көп ат шалдырмай, тез өсіп, жылдам жетілді. Бұның өзі, біріншіден, оның бойындағы Алла сыйлаған талант қуатын көрсетсе, екіншіден, сөз өнеріне, оның ішінде «сөз патшасының» ауылына үлкен дайындықпен, тоқ қоржынмен келгенін аңғартады.

Дүкен МӘСІМХАНҰЛЫ,

Ақын, аудармашы,

Филология ғылымдарының докторы, профессор.