Жүсіп Баласағұни – ХІ ғасырдың аса көрнекті ақыны, есімі күллі шығыс елдеріне мәшһүр болған данышпан ойшыл, энциклопедист ғалым, белгілі қоғам қайраткері. Әкесі Қараханидтер мемлекетінің астанасы Баласағұн қаласында хан сарайында өлең айтып, күй шерткен. Кейін ол бұл іске баласын да тартып, Жүсіп әкесімен бірге хан сарайында қызмет еткен. Өз заманындағы сан алуан ғылым салаларын меңгерген.