Шәңгерей Бөкеев 1847 жылы Жасқұс деген жерде дүниеге келген. Өнер-білімге, өлеңге жас кезінен әуес болған ақын Ордадағы медресені бітіріп, мұсылманша білім алады. Орынбордағы Кадет корпусында оқыған екі жыл ішінде орыс тілін үйреніп, орыс әдебиеті, мәдениетімен танысады. Өз мекенінде оқшау өмір сүріп, саятшылық, аңшылықпен айналысқан. ХХ ғасырдың басында қазақ, татар тілінде басылған ақындардың кітаптарын оқып, қоғамдық әдеби өмірдің беталысынан үнемі хабардар болып отырған.