Аристотельден кейінгі екінші ұстаз атанған данышпан, философ, энциклопедист ғалым, әдебиетші, өз дәуірінің көрнекті ақыны, ислам дәуірі әдебиетінің дамына зор үлес қосқан ғұлама – Әбунасыр әл-Фараби. Жастайынан асқан зерек, ғылым-өнерге мейлінше құштар болған. «Шығыстың Аристотелі» атанған есімі әлемге әйгілі философ көне заманның ақыл-ой алыптарының шығармалары туралы трактаттар мен түсіндірмелер жазды. Ол философия, логика, математика, астрономия, медицина, музыка, тіл білімі, әдебиет теориясы және тағы басқа ғылым салалары бойынша көп ғылыми еңбектер қалдырды.