Жас ақынның қазақтың өзінен бұрынғы ақындарын зерделеп, зерттеп, талғап оқитыны қуантады. Себебі, оның қолданысындағы әдеби тіл тақырыпты ашуға, көркемдігін әшекейлеуге, көкжиегін кеңейтуге септігін тигізіп тұр.

Қалай десек те тұңғыш кітапқа дайындалған өлеңдердің қай-қайсысы да жеке кітап болып шығуға дайын дүниелер. Олжастың қазіргі қадамынан мен болашаққа деген үлкен ұмтылысты аңғарамын. Жас ақынның жырларын аркідік баспасөз беттерінен де ұшыратып жүрмін. Туындыларында жүрек тебірентер лирикадан гөрі салмақты ой басым.  Қолына қасиетті қаламды алған ініме өлең сапарында тек жолы болсын деймін.

Жәркен Бөдеш

Ақын, ҚР Жазушылар Одағының мүшесі