Мен отыз үш жасқа дейін әкемнің қолында болдым, сол уақытта әкемнің кітап оқымай, бос отырғанын көрген емеспін. Газет беттерінде дінге қарсы мақала жазылған сайын әкем марқұм налып отыратын... Мәскеудегі дінге қатысты жоғарғы әкімшілікте отырған Курайедев деген кісіге жазған хатының бір данасы менде бар. Онда дінге зерттемей, көрсоқырлықпен қарап, «апиын» деп жала жауып, дінді қаралайтын көзқарас сынап жазылған. 70 жылдары Тоқжігітов деген кісі «Құран ақиқаттары» деген атпен Құранды қаралап кітап жазыпты. Сол кітапты оқыған соң әкем: «Ойпырмай, мұндай да надандық болады екен-ау!» деп күйінген еді. Сол кітапқа жауап ретінде мақала да жазды.

Әмина Сәдуақасқызы