Тоқаш Бердияров
Тоқаш Бердияров
Ол жырымен жұртын оятқан ақын. Сырын айтып жұртын мұңайтқан ақын. Өзінің кермек мұңын жырға қосып, қайғысын жақсы жырмен жеңіп жүруші еді. Өзінің жеке бас өмірін өнерге беріп, қиын да қызық тағдыр кешкен ақын. Ақынның тағдыры ешкімге ұқсамайды. Қайғысы мен қуанышын арқау еткен поэзиясы ешкімге ұқсамайды. Ол өзінің ауыр тағдырын мұңды лирикаға айналдыра жырлап өтті.
Өлеңдері қарапайым, қарапайым бола тұра күрделі. Қарапайым болатыны - өлең өмірдің қарапайым көрінісін суреттеуден басталып, әрі қарай арналанып жөнеледі. Өлеңді поэзияға айналдыратын – деталь, штрих болса, оны Тоқаң өмірдің өзінен алады. Тұрмыстық детальдар, этнографиялық көріністер өлеңінде самсап жүреді. Кейде өлең емес, этнография кітабын оқығандай болатыныңыз бар. Өлеңі толы өмір көрінісі. Тіпті детальдарға дейін тұрмыстан алынған. Оны айтасыз образды өлеңдеріне баламаны да тұрмыстық суреттерден алады. Бейне өмірді көркемөнерге айналдыратын Биағаң Майлин секілді. Тоқаш өлеңдері өте нақты. Нақты өлеңді әдетте прозаизм иектейтіні болады. Ал Тоқаш өлеңдері одан дін аман. Нақты бола тұра нақышты. Баяндаудан бойын аулақ салады. Өлеңді әдемі киіндіреді. Әдемі киінген өлең қарапайым болмысымен әдебиетке айналып сүйіндіреді. Ойсыз өлең жазып көрген емес.
Құлбек Ергөбек
- Аудиокітаптар
- Кітаптар
