Мағзом Сүндетов
Мағзом Сүндетов
«Оның шығармаларында өзіне тән екі қасиеті бар. Бірі – Мағзом Сүндетов ауыл өмірін, өзі өскен қоғам ортасын өте жақсы біледі. Сондықтан бұның шығармаларында ойдан шығарылған, ұйқаспай жатқан сюжет елестері болмайды. Оқырманның алдына жайып тастағанының бәрі нанымды келеді. Екінші – Мағзом кітаптарының аттары шығармасының тақырыбына сәйкес, тартымды келеді. Кітапқа дұрыс тақырып қою, бұл да жазушының шеберлігіне байланысты».
Ілияс Есенберлин
«Жазушы Мағзом Сүндетов адамзат тіршілігі тереңіне бойлау үшін алапат құштарлықтар, сергелдең сезімдер, өліспей беріспейтін тайталастар, шеннен шыққан шетін оқиғалар ойлап тауып жатпайды. Адами мүмкіндіктер аясындағы оқиғалар мен құбылыстарға адами таным мөлшері ауқымында көз салып, қарапайым сана қаныға алатындай қарабайыр кеңістікте желі тартқан жайттарды сөз етуге бейім тұрады».
Әбіш Кекілбаев
