Тайыр Жароков

Тайыр Жароков – қазақ поэзиясындағы саяси-әлеуметтік лирикаға соны леп, жаңа романтикалық екпін әкелген ақын. Өзі өмір сүрген кезеңнің тыныс-тіршілігін, өзгерістер мен жаңаруларды дер уағында біліп қана қоймай, оны поэзиясына арқау ете білді. Қазақ поэзиясындағы еңбекқор, қарапайым жастардың типтік образын қалыптастырды. Тайыр Жароков лириканың қай түріне қалам тартпасын, өзінің ішкі көзқарасын, сезімін, толғанысын барынша жеткізе білді. Табиғат тақырыбындағы өлеңдері қазақ поэзиясына өзінше жаңа өрнек алып келді.