ОТАНДЫ СҮЮ

Сөнбесін отың ескі ошақ,

Елімде шаттық әні ойнар.

Атысқан жаудан дос жасап,

Тұрғызды тасың сарайлар.

Мейірі жүрек жібіткен, 

Тербейді ана бесігін.

Батырын қайта тірілткен, 

Ұлына қойып есімін.

Намыстың туын қолға алса,

Сезінер ерлер күй мәлім.

Толағайларым топ жарса,

Туған жер гүлін сыйладым.

Шашылар сәуле асылдан,

Қызықпан жаттың бөзіне. 

Түтінің маса қашырған,

Шақырар мені өзіңе.

Бақытты туған ер сенде,

Сар далам саған сүйіндім.

«Отан» деп жазса өшерме,

Қан тамырлары миымның?!

Бекжан Әшірбаев