Фариза Оңғарсынова
Фариза Оңғарсынова
Фариза Оңғарсынова – қазақ поэзиясының жарық жұлдызы, қаламгерге тән ерлік, адалдық, отансүйгіштік, намысқойлық секілді қасиеттерді бойына сіңіріп қана қоймай, өлеңдерінде таныта білген ақын. Оның өлеңдері оқырманды ерлікке, нәзіктікке, туған жерді, адамзатты сүюге жетелейді.
Қазақ өлеңіне өз поэтикалық мәнерімен, лирикалық кейіпкерімен келген ақын соңына бірнеше том өлең жинақтарын қалдырып, поэзия падишасына айнала білді. Өлеңдеріндегі өжеттік, батылдықпен астасқан нәзіктігі оның поэзиясына өзгеше рең, қайталанбас ерекшелік дарытты. Фариза қай тақырыпты қозғаса да, соның тереңіне үңіліп, өзі жырлаған құбылыстың бар мәнін аша алды.
