Балғабек Қыдырбекұлы Кітап
Балғабек Қыдырбекұлы

Балғабек Қыдырбекұлы

Балғабек Қыдырбекұлы

НАРКЕСКЕН

 

Балғабек Қыдырбекұлы туралы сыр

 

Жүрісі қандай – қашанда қағылез, жып-жинақы, ширақ. Киім киісі қандай – үстіне құйып қойған ба дейсің. Сыпайы, сырбаз. Кейде өзі құралпы ағалардың ортасында жайраң қағып кетіп бара жатса, енді бар ма, қой бастаған серкедей жарасар еді. Кіл өңкей сайдың тасындай ірікті қаламгерлер, “қазақ журналистикасы” дейтін жаңа қалыптасқан жарасты ортаның бір-бір бұланайы. “Атағынан ат үркетін” дегенді қазекем осындайда айтқан болар-ау. Әйтеуір біз маңайлай алмаймыз, алыстан көз суарып, алмай-бермей тәнтіміз. Әсіресе Бәкеңе... Атақты фельетоншы. Болашағынан зор үміт күттіретін журналист. Ол кезде сырттай көріп, көңілге түйгеніміз болмаса, біле бермейміз ғой, бірақ кейін келе анық көзіміз жеткені: өз тұрғыластары, тіпті жасы үлкендеулері де ол кісіні шынында серке санайтын. Тегі, ондай көсемдік (лидер мағынасындағы) қасиеттері бала кезінен-ақ білінген сияқты. ҚазМУ-де өзімен бірге оқыған достарының айтуына қарағанда, бірінші курста жүргенде-ақ бәрі қайырған қаршығадай дейтіндей осынау құбақан баланың ықпалына түсіп, жас та болса бас деп мойындаса керек. “Қой асығы демегін – қолыңа толса сақа тұт, жасы кіші демегін – ақылы асса аға тұт” дегенді айтқан қазақ қандай даңғыл! Ал сөйткен Бәкең біз көргенде де сол қалпында еді.

 

Балғабек Қыдырбекұлының тағы бір феноменіқырық жылға жуық журналистік қызметінде табан аудармастан тек бір ұжымда – “Социалистік Қазақстан­ның” (“Егемен Қазақстанның”) редак­ция­сында жұмыс істеуі. 1950 жылы уни­вер­­ситетті тәмамдап, осынау қасиетті қара шаңырақтың табалдырығын имене аттаған жас журналист сол кездегі небір алағай да бұлағай күндердібасынан өткеріп, қатардағы тілшіфельетоншыбө­лім меңгерушісіредактордың орын­басарыредактордың бірінші орынбасары дейтін сатылардан өтіп, еліміздің бас газетінің бас редакторы дәре­жесіне дейін көтерілді. Базбірде Балғабек Қыдырбекұлы мағанСоциа­лис­тік Қазақстанболып елестейді дейтінім осыдан.

 

Бәкең газетте ғана емес, күнделікті өмірде де кілең бір күрмеулі мәселе­лердің бел ортасында жүреді: біреуге көмектеседі, біреудің сөзін сөйлейді, бедел салады, біреулермен жаға жырты­са­ды. Шатақты өзі іздеп жүріп тауып алатын сияқты. Бірақ соның бәрі, түптеп келгенде, “Социалистік Қазақстанныңқамы үшін, соның абыройы үшін істелетін. Әрі, ғажабы, Бәкең қолға алған шаруа оңынан келмепті дегенді естімеп­піз. “Нағыз наркескен ғой біздің Бәкең!” – десетін біз мақтанып.

Бекболат Әдетов

  • Кітаптар
Жалғыз жолбарыс өлімі
Жалғыз жолбарыс өлімі
Правда
Правда
Әзіл-оспақтар
Әзіл-оспақтар
Ақымақтың миы
Ақымақтың миы
Ақынға тірі ескерткіш
Ақынға тірі ескерткіш
Аманат
Аманат
Алатау
Алатау
Арланның ажалы
Арланның ажалы
Атадан ақыл
Атадан ақыл
Аттаныс
Аттаныс
Бақыр бас
Бақыр бас
Барыс атқан күні
Барыс атқан күні
Бір сабақ жіп
Бір сабақ жіп
Дос қадірі
Дос қадірі
Дүниенің байлығы
Дүниенің байлығы
Жақсының көзі
Жақсының көзі
Көгендеулі бала
Көгендеулі бала
Құйыршық
Құйыршық
Құмалақшы
Құмалақшы
Отбасындағы әңгіме
Отбасындағы әңгіме
Өткен күн еске түскенде
Өткен күн еске түскенде
Сықақ әңгімелер. I кітап
Сықақ әңгімелер. I кітап
Сықақ әңгімелер. II кітап
Сықақ әңгімелер. II кітап
Теміржолшы
Теміржолшы
Түймебай тәуіп
Түймебай тәуіп
Үйшінің әңгімесі
Үйшінің әңгімесі
Үлкен жүрек
Үлкен жүрек
Ұрының еншісі
Ұрының еншісі
Фельетондар. I кітап
Фельетондар. I кітап
Фельетондар. II кітап
Фельетондар. II кітап