«Ұлттық аударма бюросы» қоғамдық қоры – ауқымды аударма жобаларын жүзеге асырушы, ірі ғылыми және көркем аударма жұмыстарын үйлестіруші қоғамдық ұйым. Ұлттық аударма бюросы 2017 жылдан бері бірқатар ауқымды аударма жобаларын үйлестірді. «Рухани жаңғыру» бағдарламасының «Жаңа гуманитарлық білім. Қазақ тіліндегі 100 жаңа оқулық» жобасы аясында гуманитарлық білімнің барлық бағыты бойынша әлемдегі ең үздік деген 100 оқулықты түрлі тілдерден қазақ тіліне аударды.