Үндістердің аянышты тағдырын суреттеген хикаятты оқып отырғанда бір ысынып, бір суынасың. Сосын... сосын адам баласының ас ішіп, аяқ босатқаннан да бөлек миссиясы бар екенін ұғынасың. Әйтпесе, атағы жер жарып тұрған, ештеңеден таршылық көрмей, шалқып ғұмыр кешіп жатқан доктор Эдуард Бейкерді араку тайпасының мекеніне алып барған нендей күш? Әлдеқашан ұмыт болған бала шағын айна-қатесіз көз алдына алып келген қандай құдірет? Бірақ, медицинадағы тұтас бір дәуір саналатын «араку тайпасынан шыққан ұлы Чоро баласы Кияку» жер бетіндегі соңғы тайпаласын құтқарып қала алмады. Мұнан асқан қандай өкініш болуы мүмкін?..