Бұл кітаптан оқырман билік деген не, оның табиғаты қандай, оған жетудің жолдары мен оны ұзақ ұстап тұрудың амалдары, айла-шарғысы туралы сауалдарға жауап алады. Бір қарағанда, кітап кез келген жолмен билікке жету тәсілдерінен ғана тұратындай көрінеді. “Ақылды патша, әділ билеуші, адал қызметші” сияқты моральдық ұстанымға үйренген қазақы оқырман “бұл қулық пен сұмдыққа үйрететін” кітап екен деп қарауы да мүмкін. Бірақ билік әлемінің адами ізгі ниетке бағынбайтын заңдылығы бар. Бұл еңбек биліктің осындай астарлы тұстарын көрсетіп, қалтарыстарын ашып береді. Автор әлемдік тәжірибені негізге алып, ежелгі құдіретті билеушілер мен ойшылдардың өсиеттері арқылы ойын бекітіп отырады. Кітаптың құрылымы, жазылу стилі ерекше тартымды. Әлемнің ондаған тіліне аударылған.