«Дұрыс сөйлейік» аудиоподкасты – қазақ тілінің құрылымы, заңдылығы және тіл нормалары туралы. Көптің көңіліндегі сауалдарға тіл маманы Анар Фазылжанова жауап береді. Алғашқы хабар «Қазақ тілі қандай тіл?» деп аталады. Мұнда ғалым қазақ тілінің түп төркінін сақтаған, түркі тілдерінің ішіндегі ең таза тіл екенін айтады. Көптеген нақты мысал келтіреді. Мұнан кейін ғалым тілдің ауызша және жазбаша формалары, ауызша және жазбаша сөз нормалары, жеке дыбыстар мен сөздерді айту нормасы, сөз ішіндегі дыбыстық өзгерістер заңдылығы, интонацияның қарым-қатынастағы рөлі, сөз ағымындағы кідіріс түрлері және басқа да маңызды сауалдарға жауап береді. Аудиохабар түрінде болуы тез түсінуге, дұрыс айтуға көмектессе, мәтін қайталап оқуға және пысықтауға жақсы.