Басты
Жоба туралы

Жоба туралы

Kitap – қазақ және әлем әдебиетінің үздік шығармаларын оқу әрі тыңдау мүмкіндігін ұсынатын ауқымды онлайн платформа. Мұнда қазақ және әлем әдебиетінің жауһарлары заңды негізде жинақталған.

Қазір Kitap қорында түрлі бағытта 2000-ға жуық кітап пен 600-ден аса аудиокітап бар. Кітаптар мен аудиокітаптар бірнеше санатқа (жанрға) бөлінген:

Көркем шығармалар
Тарихи шығармалар
Ғылыми әдебиеттер
Іскерлік әдебиеттер
Публицистика
Романтика
Психология
Бизнес
Ертегілер және т.б

Сіз кез келген уақытта Абай Құнанбайұлы, Мұхтар Әуезов, Ілияс Жансүгіров, Сәкен Сейфуллин, Мұхтар Әуезов, Қасым Аманжолов, Бауыржан Момышұлы, Зейін Шашкин, Қалижан Бекхожин, Ғафу Қайырбеков, Әбіш Кекілбаев, Зейнолла Қабдолов, Сафуан Шаймерденов сынды танымал тұлғалар мен өзге ақын-жазушылардың туындыларын оқып, аудионұсқасын тыңдай аласыз.

Kitap тек қазақ әдебиеті шығармаларымен ғана шектелмейді. Осы кезеңге дейін қазақ тіліне аударылған шетел әдебиетінің де көрнекті туындылары оқырман назарына ұсынылып келеді. Әлем әдебиетінің классиктерінің шығармаларымен қатар, соңғы жылдары бестселлер қатарында тұрған Cтивен Ковидің «Жасампаз жандардың 7 дағдысы», Юваль Ноаһ Хараридің «Sapiens: Адамзаттың қысқаша тарихы», Клаус Швабтың «Төртінші индустриялық революция» секілді еңбектерінің аудионұсқасы жасалды.

Сондай-ақ, Kitap мектеп бағдарламасындағы «Қазақ әдебиеті» пәнінде оқытылатын авторлардың шығармаларын да қамтиды. Бұл арқылы оқырман тұтас бір әдеби әлеммен табысып, туындылардың аудионұсқасын тыңдауға мүмкіндік алады. Балаларға арналған әңгіме, өлеңдермен бірге, түрлі тақырыптағы ертегілердің аудионұсқасы да жасалды.

Kitap-тың ерекшелігі неде?

Кітаптар мен аудиокітаптардың мол қоры;
Кітапты сатып алмас бұрын бір бөлігін оқып/тыңдап көру мүмкіндігі;
Жеке кітапхананы жасақтау;
Кітаптарды жүктеп алу;
Оқып немесе тыңдап жатқан шығармаңызды тоқтаған жерінен жалғастыру;
Шығарманың қажет тұсына бетбелгі қою;
Ұнаған цитатаны сақтап алу;
Аудионы алға және кері жылжыту, бөлімдерді оңай ауыстыру;
Аудионы ойнату жылдамдығын таңдау;
Қосымша жұмысын тоқтататын ұйқы таймері бар;
Оқылған/тыңдалған кітап бөлігі процентпен көрсетіледі, яғни, жетістігіңізді көріп отырасыз;
Кітап туралы пікір білдіріп, талқыға қатысып, баға бере аласыз.

Жобаның арқалаған жүгі салмақты. Kitap жаһандану дәуірінде ұлттың құндылықтарын сақтауға ұмтылады, сондай-ақ, интернет желісінде қазақтілді мазмұнды арттырып, тіліміздің қолданыс аясын кеңейтуге күш салып келеді.