Kitap жобасы туралы | kitap.kz Жоба туралы Кітап

Жоба туралы

Kitap.kz
Kitap.kz – қазақ және әлем әдебиетінің үздік шығармаларын оқу және тыңдау мүмкіндігін ұсынатын ауқымды онлайн платформа. Мұнда ұлттық әдебиетіміз бен отандық ғылымның, өнеріміз бен сан-саладағы шығармашылық өкілдеріміздің жәдігерлері заңды негізде жинақталған.
Бүгінгі таңда "Қазақстанның ашық кітапханасы" қорында түрлі бағыттағы 500-ден аса автордың 5000-нан аса кітабы жинақталған. Кітапханамызға елімізге, қала берді әлемге танымал өмірден өткен тұлғаларымыздың қоғамдық игілік санатына енген шығармаларымен қатар, қазіргі ақын-жазушыларымыздың да мұралары Creative Commons еркін лицензиялары негізінде авторлық құқықтары сақталып жариялануда. Қазақ тілі мен мәдениетінің дамуына серпін берер жобаға ықылас танытып, шығармаларын енгізуге алғашқы болып рұқсат берген Ілияс Жансүгіров, Сәкен Сейфуллин, Мұхтар Әуезов, Ғабиден Мұстафин, Қасым Аманжолов, Бауыржан Момышұлы, Зейін Шашкин, Жұбан Молдағалиев, Қалижан Бекхожин, Сағи Жиенбаев, Ғафу Қайырбеков, Мұқағали Мақатаев, Фариза Оңғарсынова,Әбіш Кекілбаев, Зейнолла Қабдолов, Сафуан Шаймерденов, Қалтай Мұхамеджанов, Мұхтар Шаханов, Сәкен Жүнісов, Софы Сматаев, Қабдеш Жұмаділов, Сәуірбек Бақбергенов сынды ақын-жазушылар мен олардың ұрпақтарына үлкен алғысымызды білдіреміз.
Kitap.kz
Kitap.kz
Сондай-ақ, "Қазақстанның ашық кітапханасы" қоры мектеп бағдарламасындағы «Қазақ әдебиеті» пәнінде оқытылатын 130 автордың 1500-ден аса шығармасын қамтыған аудиохрестоматиямен толықты. Бұл арқылы оқырман тұтас бір әдеби әлеммен табысып, туындылардың аудионұсқасын тыңдауға мүмкіндік алды.np
"Қазақстанның ашық кітапханасы" тек қазақ әдебиеті шығармаларымен ғана шектелмейді, осы кезеңге дейін қазақ тіліне аударылған шетел әдебиетінің де көрнекті туындылары оқырман назарына ұсынылып келеді. Қазір қорымызда 600-ден аса әлем әдебиетінің жауһарлары бар.
Kitap.kz
Kitap.kz
Сондай-ақ, қазақ әдебиетінің шетел тілдеріне аударылған үздік шығармаларында да біздің кітапханадан таба аласыз. Балаларға арналған әңгіме, өлеңдермен қатар, түрлі тақырыптағы ертегілердің аудионұсқасы жасалды. Жобаның арқалаған жүгі салмақты: жаһандану дәуірінде ұлттың құндылықтарын сақтауға ұмтылу, сондай-ақ, интернет желісінде қазақтілді мазмұнды арттырып, тіліміздің қолданыс аясын кеңейтуге күш салу.

Cеріктестер

М. Әуезов атындағы Әдебиет және Өнер институты Ұсынған кітаптар
"Kcell" компаниясы
"Шеврон" компаниясы
М.Әуезов қоры
А.Байтұрсынұлы атындағы Тіл білімі институты
Қазақстан Республикасының Ұлттық Мемлекеттік кітап палатасы
"Алтын Қыран" халықаралық қайырымдылық қоры
Қазақстан Республикасы Мәдениет және спорт министрлігінің Тілдерді дамыту және қоғамдық-саяси жұмыс комитеті
Алматы қаласы тілдерді дамыту және мұрағат ісі жөніндегі басқарма
Қазақстанның Интернет Ассоциациясы
Otuken.kz қазақ мифологиясы, дәстүрлі мәдениеті және музыкасы туралы Таласбек Әсемқұлов, Серікбол Қондыбай және Зира Наурзбаеваның жеке сайты
Қазақстан Республикасының Ұлттық Кітапханасы
Мұхтар Әуезов атындағы Қазақ мемлекеттік академиялық драма театры
Қазақстан Республикасының Сыртқы Істер Министрлігі