Қазақ тілінің әмбебап сөздігі
Cөздік

Рысбек Рамазанұлы. Весидж. Ғайып болған қала

        Кітаптың жалпы мазмұны ерте дәуірдің халықтары саналатын сақ, үйсін, қаңлы кезеңдерінен Қазақ хандығы дәуірінің алғашқы кезеңдеріне дейін өмір сүрген ортағасырлық ежелгі қала жұрты Весидж(Оқсыз) туралы баяндалады. Қала туралы нақты кітаптардың болмауы, сонымен бірге деректердің тек анықтамалық немесе қысқаша абзац түрінде ғана берілуі, қала тарихының үлкен қала Отырардың көлеңкесінде қалуына әсер етті. Бұл қала жазба деректерінде түрлі атаулармен кездеседі. “Весидж” , “Зернұқ(Зернук)”, “Оқсыз(Оксус)”. Бұл атаулардың жалпы мағынасы жаңбырдан кейін су жиналып қалатын далалық жердің ойыстау келген жерлеріне қатысты айтылған. Қала тарихына қатысты жазылған еңбектердің басым бөлігі саяхатшылар мен ортағасырлық парсы мен араб һәм қытай, византия жазбаларында үзік-үзік сақталған. Кітап осындай там-тұмдап жиналған деректерді талдай отырып қаланың нақты қай жерде орналасқанын анықтауға арналған. Бұл еңбек – қала тарихына қатысты жазылған тұңғыш жинақталған кітап.