Видео

«Сын бойца» қысқаметражды фильмі

1941 жылдың күзінде «Мосфильм», «Ленфильм» киностудиялары соғыс жағдайына байланысты Алматы қаласына уақытша қоныс тебеді. Сонымен қатар Орталық деректі фильм студиясы мен Киевтің хроникалық студиясы да Алматы қаласына шоғырланады.

1941 жылы 12 қыркүйекте Алматы көркем фильмдер студиясы ұйымдастырылады. Ал 1941 жылдың 15 қарашасында «Мосфильм», «Ленфильм» студияларымен бірігіп Біріккен Киностудиялар Орталығының құрамына енеді. Сонымен қатар Бүкілодақтық сценарий студиясы да Алматыға көшіріледі. Онда бүкіл елге танымал кинодраматургтер жұмыс істеді. Орыс драматургтері мен қазақ жазушылары арасында жақын шығармашылық байланыс орнайды. Байланыс нәтижесінде соғыс жылдары көптеген фильмдер дүниеге келеді. Соның бірі – «Дала әндері» киноновелласы. Новелла құрамына 3 қысқаметражды фильм енгізілді: 1. «Сын бойца», 1941 ж. 2. «Алыптың әні», 1942 ж. 3. «Ақ гүл», 1943 ж.

Солардың бірі – «Сын бойца» қысқаметражды фильмі

Режиссері: В. Строева

Сценарийін жазғандар: Ғ.Мүсірепов, С.Михалков, И.Прут

Оператор: С.Шейнин

Дыбыс операторы: А.Беккер

Композиторлар: Н.Крюков

Суретшілер: Ф.Бернштам, П.Якимов, З.Назыров

Шығарушы: Біріккен Киностудиялар Орталығы

Жыл: 1942

Актерлар: Олег Жаков, Қапан Бадыров, Евгений Немченко, Лариса Емельянцева, Манефа Соболевская, Александра Данилова

Жанры: тарихи фильм

Фильм Ұлы Отан соғысына қатысқан жауынгерлердің ерлік істері туралы.