Музыка

Жігер Бертісов орындауындағы күйлер

00:00
00:00
  • 1. Алқоңыр - Тоқа Шоңманұлы
  • 2. Әсемқоңыр - Тоқа Шоңманұлы
  • 3. Жайлау - М.Хамзин
  • 4. Қосбасар - Б.Ысқақов
  • 5. Қосбасар - Тоқа Шоңманұлы
  • 6. Мәңгілік алауы - Әділбек Атығаев
  • 7. Салтанат - Т.Момбеков
  • 8. Саржайлау - Тәттімбет
  • 9. Сылқым қыз - Қыздарбек
  • 10. Төремұрат - Құрманғазы

Бертісов Жігер Талғатұлы

 Бертісов Жігер Талғатұлы  15 сәуір 1985 жылы Шығыс Қазақстан облысы, Үржар ауданында дүниеге келген.  Абай атындағы орта мектеп - лицейінің  қабырғасында оқи жүре, сонымен қатар Еркеғали Рахмадиев атындағы саз мектебінен музыкалық білім алады. 2003 жылы мектепті бітірген соң, Құрманғазы атындағы Қазақ ұлттық консерваториясының дайындык бөліміне, күйші - профессор Ысқақов Б. А. класына түседі. 2005 жылы аталған оқу орнының негізгі бөліміне  қабылданады. Оқу барысында    қосымша шертпе күйдің шебері - Ахат Байбосыновтан Арқа күйшілік мектебінің өкілі, Тоқа Шоңманұлы мұрасын меңгереді. 2009 жылы жоғарғы оқу орнын ойдағыдай тәмәмдап, «Ұстаз және концерттік орындаушы»  біліктілігін алады. 2012-2014 ж. Өнертану ғылымының магистрі дәрежесіне ие болады. Оқып жүрген жылдары Тәттімбет Қазанғапұлы, Сүгір Әлиұлы,  Төлеген Момбеков атындағы және  т.б. республикалық  конкурстардың жүлдегері атанады.   

 2009-2011 ж.ж. фольклорлық-этнографиялық  «Сазген сазы» ансамблі. Қызметі:  Ансамбль артисі  және жеке орындаушы.

2011-2014ж.ж. Құрманғазы атындағы Қазақ ұлттық консерваториясының халық музыкасы факультеті, домбыра кафедрасының  оқытушысы.

2012ж. Бауыржан Момышұлы атындағы №131 мектеп гимназиясы. Қызметі: домбыра пәнінің мұғалімі .

2014ж.  Жәния Әубәкірованың авторлық мектебі.  Қызметі: домбыра пәнінің мұғалімі.

Жігер Бертісов күйші-орындаушы ретінде дәстүрлі музыка фестивальдері, республикалық телеарналар арқылы күйшілік өнерді насихаттап келеді. Атап айтсақ: Хабар телеарнасындағы «Алтыбақан», «Ғасырлар пернесі», Қазақстан Ұлттық телеарнасындағы «Дала думан», «Күй-тартыс»,  «Ғасырлар үні» сияқты т.б. ұлттық тележобаларға қатысып ел ризашылығына бөленіп жүр.