Бұл кітап қазақ халқының кемеңгер перзенті, классик күйшісі, асқан шебер орындаушы, тұнба музыкант, ұлтымыздың ұлы мақтанышы, күй атасы – Құрманғазы Сағырбайұлының өмірі мен шығармашылығына арналады.

Еңбектің бірінші тарауына марқұм академик А.Жұбановтың Құрманғазы баба туралы жазған өмірбаяндық зерттеуі беріліп отыр. Екінші тарауда ҚР ҰҒА мүше-корреспонденті, өнертану ғылымдарының докторы, профессор С.Ә.Күзембайдың мақалалары мен Қазақстанның еңбек сіңірген қайраткері К.С.Сахарбаеваның «Қазақ күй өнері және кемеңгер Құрманғазы» тақырыбындағы еңбектері ұсынылды. Кітапта сирек басылымдар мен мерзімдік жарияланымдар жаңаша көзқараспен сарапталып, тың деректер жүйеленді.

Бұл еңбек ғылым, білім саласындағы мамандарға және жалпы көпшілік қауымға арналады.