Диктор

Ерасыл Қауымбаев:

Мен өнерге кездейсоқ келген жоқпын, өнерлі отбасында туып-өстім, музыкалық мектепте білім алдым. Музыкалық колледждің  домбыра сыныбын тәмамдадым. Кейін Құрманғазы атындағы қазақ ұлттық консерваториясында оқуымды жалғастырдым. Мектеп кезінен, өзім күй сыныбында оқығандықтан да шығар, өнер адамдары туралы,  күйшілердің өмірі, күй тарихы жайында жазылған көркем шығармаларды, ғылыми зерттеулерді оқумен әуестендім. Бұл әуестік кітапқа, көркем әдебиет жауһарларын оқуға деген құштарлығымды оятты. Солай жан-дүнием әдебиетке жақындай түсті. Мақала да жазатын болдым. Жалпы қай шығарманы алсам да өзімді басты кейіпкерінің орнына қойып оқиды екенмін. Өзімді сол кітаптағы әлемде жүргендей, барлық оқиға менің басымнан өтіп жатқандай сезінемін. Сондықтан да оқыған шығармаларым қызықты әрі есте қаларлықтай болатын. Кітап оқу арқылы жанына ләззат алудың кілтін тапқан адам шын бақытты деп білемін. Меніңше, кітап оқу – өзіңді жетілдіру мен тәрбиелеудің жалғыз жолы.