Тоғыз тоңқылдақ, бір шіңкілдек

Адамның білек күші мықтылықтың өлшемі бола бермейді. Сол секілді көп болу да күштілікті білдірмейді. Керісінше, өзі әлсіз, өзі жалғыз болса да, айласы мен ақылы бар адам мың бір пәледен басын аман алып қалуы мүмкін. «Тоғыз тоңқылдақ, бір шіңкілдек» ертегісінен осыны түсінуге болады. Әлбетте, кісіге зорлық қылу, ұру, өлтіру, өтірік айту дұрыс емес, дегенмен, айла кейде адамды бәледен құтқарып қана қоймай, тыныш өмір сүруіне де жол ашады.