Пәтер іздеп жүр едік...

Ерболат Әбікенұлының әңгімелерінің бір ерекшелігі сол – мұнда драматизм бар. Тұнып тұрған көркемдік компоненттерден гөрі толып жатқан қимыл-қозғалыс басым. Сатирик жазушы Ерболат Әбікенұлының студент кезінде жазған «Пәтер іздеп жүр едік» әңгімесі, шағын да болса, әдебиет қауымын елең еткізген шығарманың бірі. Мұнда еліміздегі, әсіресе, жастардың басындағы әлеуметтік мәселелердің маңыздысы – баспана мәселесі сөз болады. Табанынан тозып, пәтер іздеу машақатын шынайы сипаттайды.