Бүркітші

Мұхтар Әуезовтің «Бүркітші» әңгімесінде «Іздер» мен «Шатқалаңдағы» оқиғалық сарын жаңа бір қырынан көрінеді. Қарапайым еңбекшіге тән жағымды қасиеті бар қарапайым бүркітші Бекбол мемлекеттің жоғалған жылқыларын іздестіріп, батыл көмек көрсетеді. Өз мүддесінен мемлекеттің мүддесін артық көріп, тікелей міндетіне жатпайтын тапсырмадан жалтармай, жылқы ұрлаушыларды ұстауға жәрдемдеседі. Жазушы бұл әңгімесінде коллектившіл сананың құдіретті ықпалы кең тарай бастағанын аңғартады.