Сайын Мұратбековтың сұрапыл соғыс жылдарындағы қабырғасы қайысқан балалық шақтың ауыр тіршілігі қаз қалпында суреттелетін шығармасы – «Жабайы алма» повесі. Жазушының бұл туындысы соғыс жылдарындағы ауыл өмірі, ауыр тұрмыс, қажырлы еңбек, адалдық пен адамгершілікті сөз етеді. Сондай-ақ, адамдық бейнені, адамгершілік қасиетті жоғалтпауға, өмірге деген үмітті үзбеуге үндейді. Дәл осы шығармасы үшін жазушы 2003 жылы Тәуелсіз «Тарлан» сыйлығының лауреаты атанды.