Шеткері үй

Әбіш Кекілбаевтың «Шеткері үй» повесінде ер мен әйел арасындағы екеуара сыйластық пен махаббат шынайы суреттеледі. Зуһраның анасының ақылы ер азаматтарға басқа көзбен қарауды үйрететіндей. Ер адамның көзге көрінбейтін екі, көзге көрінетін үш қасиеті бар екенін айта келіп, еркектің «бетіндегі айбаты, қолындағы қайраты мен қалтасындағы дәулеті» маңызды екенін түсіндіреді. Құдай Зуһраға көрікті де аямай берді, ақылы мен айласы да бір басына жетерлік еді. Бірақ, талай жігіттің көзқұрты болған Зуһра қартайғанда қабаған итімен оңаша қалды. Кейін тіптен қу тізесін құшақтап жалғыз қалды. Бұ дүниемен қош айтысқанда да басын сүйейтін тірі жан болмады...